O‘zbekiston hududida 13-yanvar kuni ob-havo asosan o‘zgaruvchan bo‘lib, yog‘ingarchilik kutilmaydi. Ayrim hududlarda tuman tushishi mumkin.
Toshkent shahrida yog‘ingarchiliksiz ob-havo kuzatiladi. Shamol sharqdan 3–8 m/s tezlikda esadi. Harorat kechasi 3–5 daraja iliq, kunduzi 14–16 daraja iliq bo‘ladi.
Qoraqalpog‘iston Respublikasi va Xorazm viloyatida ba’zi joylarda tuman tushishi ehtimoli bor. Shamol sharqdan 7–12 m/s tezlikda esib, ayrim hududlarda 13–18 m/s gacha kuchayadi. Harorat kechasi 0–5 daraja iliq, kunduzi 7–12 daraja iliq bo‘ladi. Ustyurt hududida esa kechasi 0–5 daraja sovuq, kunduzi 0–5 daraja iliq bo‘lishi kutilmoqda.
Buxoro va Navoiy viloyatlarida yog‘ingarchilik kuzatilmaydi, ayrim joylarda tuman tushadi. Shamol tezligi 7–12 m/s, ba’zi hududlarda 18 m/s gacha kuchayishi mumkin. Harorat kechasi 3–8 daraja iliq, kunduzi 15–20 daraja iliq, cho‘l hududlarda 9–14 daraja iliq bo‘ladi.
Toshkent, Sirdaryo, Jizzax va Samarqand viloyatlarida ham yog‘ingarchilik kutilmaydi. Ba’zi joylarda tuman tushishi mumkin. Shamol sharqdan 7–12 m/s tezlikda esadi. Harorat kechasi 1–6 daraja iliq, kunduzi 13–18 daraja iliq bo‘ladi. Qashqadaryo va Surxondaryo viloyatlarida havo o‘zgaruvchan bo‘lib, yog‘ingarchilik kutilmaydi. Shamol sharqdan 7–12 m/s tezlikda esadi. Harorat kechasi 3–8 daraja iliq, kunduzi 15–20 daraja iliq bo‘ladi.
Andijon, Namangan va Farg‘ona viloyatlarida ayrim hududlarda tuman tushadi. Shamol sharqdan 5–10 m/s tezlikda esadi. Harorat kechasi 2 daraja sovuqdan 3 daraja iliqqacha, kunduzi 7–12 daraja iliq bo‘lishi prognoz qilinmoqda.
Respublikaning tog‘li hududlarida ham yog‘ingarchilik kutilmaydi. Ba’zi joylarda tuman tushishi mumkin. Shamol sharqdan 7–12 m/s tezlikda esib, ayrim joylarda 18 m/s gacha kuchayadi. Harorat kechasi 3 daraja sovuqdan 2 daraja iliqqacha, kunduzi 7–12 daraja iliq bo‘ladi.
Qaynoq24.uz O‘zbekistonda 10-yanvar kuni qanday ob-havo kuzatilishi haqida yozgan edi.
