O‘zbekiston hududida 14-fevral kuni ob-havo o‘zgaruvchan bo‘ladi. Bu haqda O‘zgidromet agentligi xabar bermoqda.
Toshkent shahrida kechasi va ertalab yomg‘ir yog‘ishi, tuman tushishi mumkin. Kunduzi yog‘ingarchilik bo‘lmaydi. Harorat kechasi 5-7 daraja iliq, kunduzi 15-17 daraja iliq bo‘ladi.
Qoraqalpog‘iston va Xorazmda yog‘ingarchilik kutilmaydi. Ba’zi joylarga tuman tushadi. Kechasi 3 daraja sovuqdan 2 daraja iliqqacha, kunduzi 5-10 daraja iliq bo‘ladi. Ustyurtda kechasi 8 darajagacha sovuq bo‘ladi.
Buxoro va Navoiy viloyatlarida ham yog‘ingarchilik kutilmaydi. Harorat kunduzi 13-18 daraja iliq bo‘ladi. Cho‘l hududlarda kechasi 3 darajagacha sovuq tushishi mumkin.
Toshkent viloyati, Sirdaryo, Jizzax va Samarqandda kechasi va ertalab ba’zi joylarda yomg‘ir yog‘adi. Kunduzi yog‘ingarchilik bo‘lmaydi. Harorat kunduzi 12-17 daraja iliq bo‘ladi.
Qashqadaryoda yog‘ingarchilik kutilmaydi. Harorat kunduzi 15-20 daraja iliq bo‘ladi. Surxondaryoda esa kechasi ba’zi joylarda yomg‘ir yog‘ishi mumkin.
Andijon, Namangan va Farg‘onada ham kechasi yomg‘ir ehtimoli bor. Kunduzi yog‘ingarchilik bo‘lmaydi. Harorat 10-15 daraja iliq atrofida bo‘ladi.
Tog‘li hududlarda vaqti-vaqti bilan yomg‘ir va qor yog‘adi. Ba’zi joylarda yog‘ingarchilik kuchli bo‘lishi mumkin. Qor ko‘chishi xavfi bor. Harorat kechasi 5 darajagacha sovuq, kunduzi 0-5 daraja iliq bo‘ladi.
Qaynoq24.uz 13-fevral kuni qanday ob-havo kuzatilishi haqida yozgan edi.
