O‘zbekiston bo‘yicha 15-yanvar kuni ob-havo o‘zgaruvchan bo‘ladi. Bu haqda O‘zgidromet agentligi xabar bermoqda.
Toshkent shahrida havo o‘zgaruvchan bo‘lib, vaqti-vaqti bilan yomg‘ir yog‘adi. Shamol g‘arbdan 3-8 m/s tezlikda esadi, ba’zi joylarda 10-12 m/s gacha kuchayishi mumkin. Harorat kechasi 6-8° iliq, kunduzi esa 11-13° iliq bo‘ladi.
Qoraqalpog‘iston Respublikasi va Xorazm viloyatida ham havo o‘zgaruvchan bo‘ladi, ba’zi joylarda yomg‘ir yoki qor yog‘ishi mumkin. Shamol g‘arbdan 7-12 m/s tezlikda esadi, ba’zi joylarda esa 15-20 m/s gacha kuchayishi kutilyapti. Harorat kechasi 0-5° sovuq, kunduzi esa 0-5° iliq bo‘ladi.
Buxoro va Navoiy viloyatlarida ham havo o‘zgaruvchan bo‘lib, ba’zi joylarda yomg‘ir yoki qor yog‘ishi mumkin. Shamol g‘arbdan 7-12 m/s tezlikda esadi, ba’zi joylarda esa 15-20 m/s gacha kuchayadi. Harorat kechasi 3-8° iliq, kunduzi esa 5-10° iliq bo‘ladi.
Toshkent, Sirdaryo, Jizzax va Samarqand viloyatlarida havo o‘zgaruvchan bo‘lib, ba’zi joylarda yomg‘ir yog‘ishi kutilmoqda. Shamol g‘arbdan 7-12 m/s tezlikda esadi, ba’zi joylarda esa 15-20 m/s gacha kuchayishi mumkin. Harorat kechasi 4-9° iliq, kunduzi esa 10-15° iliq bo‘ladi.
Qashqadaryo va Surxondaryo viloyatlarida havo o‘zgaruvchan bo‘lib, ba’zi joylarda yomg‘ir yog‘ishi mumkin. Shamol sharqdan 7-12 m/s tezlikda esadi. Harorat kechasi 5-10° iliq, kunduzi esa 8-13° iliq bo‘ladi.
Andijon, Namangan va Farg‘ona viloyatlarida havo o‘zgaruvchan bo‘ladi, yog‘ingarchilik kutilmaydi. Ba’zi joylarga tuman tushishi mumkin. Shamol sharqdan 5-10 m/s tezlikda esadi. Harorat kechasi 2° sovuqdan 3° iliq gacha, kunduzi esa 5-10° iliq bo‘ladi.
Respublikaning tog‘li hududlarida ham havo o‘zgaruvchan bo‘ladi, ba’zi joylarda yomg‘ir yoki qor yog‘ishi kutilyapti. Ba’zi joylarga tuman tushishi mumkin. Shamol g‘arbdan 7-12 m/s tezlikda esadi, ba’zi joylarda esa 13-18 m/s gacha kuchayishi mumkin. Harorat kechasi 2° sovuqdan 3° iliq gacha, kunduzi esa 4-9° iliq bo‘ladi.
Qaynoq24.uz nashri hafta so‘nggida sovuq havo oqimi kirib kelishi haqida yozgan edi.
