O‘zbekistonda 26-dekabr kuni ob-havo o‘zgaruvchan bo‘lib, ayrim joylarda yomg‘ir yog‘adi. Bu haqda Uzgidromet xabar bermoqda.
Toshkent shahrida havo o‘zgaruvchan bo‘ladi. Kunning birinchi yarmida biroz yomg‘ir yog‘ishi mumkin. Shamol sharqdan 3–8 m/s tezlikda esadi. Harorat kechasi va kunduzi 3–5 daraja iliq bo‘lishi kutilmoqda.
Qoraqalpog‘iston va Xorazmda havo o‘zgaruvchan. Ba’zi hududlarda qor yog‘adi, tuman kuzatilishi mumkin. Shamol sharqdan 7–12 m/s tezlikda esadi. Harorat kechasi 5–10 daraja sovuq, kunduzi 3 daraja sovuq — 2 daraja iliq oralig‘ida bo‘ladi.
Buxoro va Navoiy viloyatlarida yog‘ingarchilik kutilmaydi. Faqat ayrim hududlarda qor yog‘ishi ehtimoli bor. Tuman tushishi mumkin. Shamol sharqdan 7–12 m/s. Harorat kechasi 2 daraja sovuq — 3 daraja iliq, kunduzi 2–7 daraja iliq bo‘ladi.
Toshkent, Sirdaryo, Samarqand va Jizzax viloyatlarida havo o‘zgaruvchan, yog‘ingarchilik kutilmaydi. Biroq Toshkent viloyatida ba’zi joylarda yomg‘ir ehtimoli mavjud. Tuman tushishi mumkin. Harorat kechasi 0–5 daraja iliq, kunduzi 2–7 daraja iliq bo‘lishi aytilmoqda.
Qashqadaryo va Surxondaryoda yog‘ingarchilik kutilmaydi. Shamol 7–12 m/s atrofida. Harorat kechasi 0–5 daraja iliq, kunduzi 6–11 daraja iliq bo‘ladi.
Andijon, Namangan va Farg‘ona viloyatlarida havo o‘zgaruvchan bo‘lib, yog‘ingarchilik kuzatilmaydi. Ayrim hududlarda tuman tushishi mumkin. Harorat kechasi 2 daraja sovuq — 3 daraja iliq, kunduzi 3–8 daraja iliq bo‘ladi.
Respublikaning tog‘li hududlarida ba’zi joylarda qor yog‘adi, tuman tushishi mumkin. Yo‘llarda muzlamalar kuzatilishi ehtimoli bor. Harorat kechasi va kunduzi 2–7 daraja sovuq bo‘lishi kutiladi.
Qaynoq24.uz 25-dekabr kuni qanday ob-havo kuzatilishi haqida yozgan edi.
