4-mart kuni respublika hududlarida havo o‘zgaruvchan bo‘ladi, aksariyat joylarda yomg‘ir yog‘ishi kutilmoqda.
Toshkent shahrida vaqti-vaqti bilan yomg‘ir yog‘adi. Shamol g‘arbdan 3–8 m/s tezlikda esadi. Harorat kechasi 6–8° iliq, kunduzi 8–10° iliq bo‘ladi.
Qoraqalpog‘iston va Xorazmda kechasi hamda ertalab ayrim joylarda yog‘ingarchilik bo‘lishi mumkin. Ba’zi hududlarda tuman tushadi. Shamol 7–12 m/s. Harorat kechasi 3° sovuqdan 2° iliqqacha, kunduzi 7–12° iliq. Ustyurtda kechasi 3–8° sovuq, kunduzi 2–7° iliq bo‘ladi.
Buxoro va Navoiy viloyatlarida ba’zi joylarda yomg‘ir yog‘adi. Tuman kuzatilishi mumkin. Harorat kechasi 2–7° iliq, kunduzi 7–12° iliq.
Toshkent viloyati, Sirdaryo, Jizzax va Samarqand hududlarida ham yomg‘ir ehtimoli bor. Kechasi 5–10° iliq, kunduzi 7–12° iliq bo‘ladi.
Qashqadaryo va Surxondaryoda havo iliqroq bo‘ladi. Kechasi 5–10°, kunduzi 10–15° iliq.Farg‘ona vodiysida yomg‘ir yog‘ishi mumkin. Harorat kechasi 3–8°, kunduzi 10–15° iliq. Tog‘ oldi va tog‘li hududlarda vaqti-vaqti bilan yomg‘ir va qor yog‘adi, ayrim joylarda kuchli bo‘ladi. Tuman tushishi mumkin. Harorat kechasi 3° sovuqdan 2° iliqqacha, kunduzi 3–8° iliq.
3–6-mart kunlari tog‘ oldi va tog‘li hududlarda sel-suv toshqinlari kuzatilishi mumkin. Shuningdek, qor ko‘chishi xavfi mavjud.
Qaynoq24.uz 3-mart kuni qanday ob-havo kuzatilishi haqida yozgan edi.
