O‘zbekistonda 5-dekabr kuni ob-havo o‘zgaruvchan bo‘lib, ba’zi joylarda yomg‘ir va tuman kuzatiladi. Bu haqda O‘zgidromet xabar bermoqda.
Toshkent shahrida kechasi va ertalab biroz yomg‘ir yog‘ishi, tuman tushishi mumkin. Kunduzi yog‘ingarchilik kutilmaydi, harorat 9–11 daraja iliqni tashkil qiladi. Qoraqalpog‘iston va Xorazmda yog‘ingarchilik bo‘lmaydi, ayrim joylarda tuman kuzatiladi. Kunduzi havo 3–8 daraja iliq bo‘ladi.
Buxoro va Navoiy viloyatlarida ham yog‘ingarchilik kutilmaydi, sharqdan esayotgan shamol kuchayishi mumkin. Kunduzi 6–11 daraja iliq bo‘ladi. Toshkent, Samarqand, Sirdaryo va Jizzax viloyatlarining ayrim hududlarida ertalab biroz yomg‘ir yog‘ishi ehtimoli bor. Kunduzi harorat 6–11 daraja iliq atrofida bo‘ladi.
Qashqadaryo va Surxondaryoda asosan yog‘ingarchilik bo‘lmaydi, ammo ayrim hududlarda tuman kuzatilishi mumkin. Harorat kunduzi 8–13 daraja iliq bo‘ladi. Andijon, Namangan va Farg‘onada ba’zi joylarda biroz yomg‘ir yog‘adi, shamol g‘arbdan esadi. Kunduzi 6–11 daraja iliq bo‘lishi kutilmoqda.
Tog‘li hududlarda esa yomg‘ir va qor aralash yog‘ingarchilik kuzatiladi, tuman tushishi mumkin. Harorat 2 daraja sovuqdan 3 daraja iliqqacha bo‘ladi.
Qaynoq24.uz 4-dekabr kuni qanday ob-havo kuzatilishi haqida yozgan edi.
