Bosh prokuratura huzuridagi Departament va boshqa huquqni muhofaza qiluvchi organlar tomonidan o‘tkazilgan tezkor tadbirlarda kuchli ta’sir qiluvchi dori vositalari savdosi bilan shug‘ullangan bir necha shaxslar qo‘lga olindi.
G‘ijduvon tumanida o‘tkazilgan tadbir davomida “H.F.” MChJ dorixonasi rahbari fuqaro J.X. fuqaro O.K.ga “Nebido” nomli dori vositasini 20,8 mln so‘mga sotayotgan vaqtida ashyoviy dalillar bilan ushlangan.
Shuningdek, Andijon shahrida o‘tkazilgan tezkor tadbirda fuqarolar F.O. va F.M. ikki dona “Regapen” dori vositasini 200 ming so‘mga sotayotganida qo‘lga olingan. Ularning yonidan 300 dona “Tropikamid” nomli kuchli ta’sir qiluvchi dori vositalari ashyoviy dalil sifatida musodara qilingan.
Mazkur holatlar yuzasidan Jinoyat kodeksining 251-1-moddasi bilan jinoyat ishlari qo‘zg‘atildi. Hozirda tergov harakatlari olib borilmoqda.
Qaynoq24.uz 35 kgdan ortiq narkotik moddalar kontrabandasiga chek qo‘yilgani haqida yozgan edi.
