Huawei’ning yangi flagman smartfoni taqdimotidan oldin internetda ilk jonli suratlar paydo bo‘ldi. Gap Huawei Pura 90 seriyasi haqida ketmoqda.
Suratlarga ko‘ra, bazaviy model dizayni keskin o‘zgargan. Kamera bloki teskari uchburchak shaklida joylashgan. Markazda katta halqa bor. Atrofida esa qo‘shimcha sensorlar va chaqmoq joylashgan. Bu dizayn Pro versiyadan ancha farq qiladi.
Standart model ikki rangda chiqadi. Ular ko‘k va oq ranglar bo‘ladi. Dizayn soddaroq, ammo o‘ziga xos ko‘rinishga ega. Huawei Pura 90 Pro esa yanada yorqin ranglarda taqdim etiladi. Bu dizayn eski Huawei P20 modelini eslatadi.
Eng kuchli model — Huawei Pura 90 Pro Max — kamera borasida jiddiy yangiliklar oladi. Insayderlarga ko‘ra, unda 200 MP periskop telekamera bo‘ladi. Bundan tashqari, video uchun alohida obyektiv ham ishlatiladi.
Ushbu obyektiv 480 mm fokus masofasiga ega bo‘ladi. Bu esa taxminan 20 karra videoyaqinlashtirish imkonini beradi. Shu orqali uzoq masofadagi obyektlarni sifatli tasvirga olish mumkin.
Avvalroq Huawei rasmiy tizer ham e’lon qilgan edi. Unda aynan 200 MP periskop kamera va 20x zoom imkoniyati tasdiqlangandi. Hozircha barcha tafsilotlar rasmiy taqdimotda to‘liq ochiqlanishi kutilmoqda. Ammo sizdirilgan suratlar yangi flagman dizayn va kamera jihatdan jiddiy yangilanish olganini ko‘rsatmoqda.
Qaynoq24.uz Huawei Pura 90 smartfoni qanday dizaynda chiqishi haqida yozgan edi.
