29-aprel kuni O‘zbekiston hududida havo asosan o‘zgaruvchan bo‘ladi. Aksariyat viloyatlarda yog‘ingarchilik kutilmaydi, ammo ayrim hududlarda qisqa muddatli yomg‘ir yog‘ishi mumkin.
Toshkent shahrida kun ochiq va iliq o‘tadi. Kechasi harorat 15–17 daraja, kunduzi esa 28–30 darajagacha ko‘tariladi. Shamol sharqdan 3–8 metr tezlikda esadi. Qoraqalpog‘iston va Xorazmda ham yog‘ingarchilik kuzatilmaydi. Bu hududlarda kunduzgi harorat 28–33 darajagacha yetadi. Buxoro va Navoiy viloyatlarida esa issiqroq bo‘lib, havo 35 darajagacha qizishi mumkin.
Toshkent viloyati, Sirdaryo, Jizzax va Samarqand hududlarida ham kun asosan quruq o‘tadi. Harorat 28–33 daraja atrofida bo‘ladi.
Qashqadaryo va Surxondaryoda esa yanada issiq kuzatiladi. Bu hududlarda kunduzgi harorat 30–35 darajagacha ko‘tariladi.
Farg‘ona vodiysi viloyatlarida ob-havo biroz beqaror bo‘ladi. Andijon, Namangan va Farg‘onada ayrim joylarda qisqa muddatli yomg‘ir yog‘ishi, momaqaldiroq kuzatilishi mumkin. Harorat 26–31 daraja atrofida bo‘ladi. Tog‘ oldi va tog‘li hududlarda ham ba’zi joylarda yomg‘ir yog‘ishi kutilmoqda. Momaqaldiroq bo‘lishi mumkin. Kechasi harorat 7–12 daraja, kunduzi esa 17–22 daraja atrofida bo‘ladi.
