AQShning Texas shtatida yo‘lovchi samolyoti qulab, bir nechta yuk mashinalariga urildi. Bu haqda The Irish Sun xabar bermoqda. Hodisa natijasida kuchli portlash yuz berdi va ikki kishi halok bo‘lgan.
Fojia Fort-Uort yaqinidagi Hicks aeroporti atrofida, North Saginaw Bulvaridagi 12000-blok hududida, yakshanba kuni soat 13:30 atrofida sodir bo‘lgan. Guvohlar samolyotning keskin pastlab, yerga urilgach portlaganini aytgan.
Yong‘in natijasida bir nechta 18 g‘ildirakli yuk mashinalari va tirkamalari yonib ketgan. Hodisa joyidan osmon sari qalin qora tutun ko‘tarilgan.
Qutqaruvchilar voqea joyiga yetib borgach, ikki kishining jasadini topgan. Hozircha halok bo‘lganlarning shaxsi aniqlanmagan, tergov ishlari davom etmoqda.
Avvalroq Tramp AQSh Xitoyga zarar yetkazmoqchi emas, balki yordam bermoqchi ekanligini qayd etgani haqida yozgan edik.
