Prezident Shavkat Mirziyoyev 2025-yil 24-oktabr kuni Bryussel shahriga rasmiy tashrif buyuradi. Bu haqda Euronews nashri xabar berdi.
Tashrif davomida O‘zbekiston va Yevropa Ittifoqi o‘rtasida Kengaytirilgan sheriklik va hamkorlik to‘g‘risidagi bitim (EPCA) imzolanishi rejalashtirilgan. Ushbu kelishuv siyosiy, savdo, xavfsizlik, ekologiya va barqaror rivojlanish sohalarida hamkorlikni yangi bosqichga olib chiqadi.
Bitim O‘zbekiston va Yevropa Ittifoqi o‘rtasidagi munosabatlarni zamonaviy va keng qamrovli huquqiy asosda mustahkamlashga qaratilgan. Unda siyosiy islohotlar, tashqi siyosat, adliya, migratsiya, savdo va iqtisodiy rivojlanish kabi yo‘nalishlar belgilangan.
Kelishuv doirasida tomonlar demokratiya, inson huquqlari, qonun ustuvorligi va iqtisodiy islohotlarni chuqurlashtirish bo‘yicha hamkorlikni kuchaytiradi.
Qaynoq24.uz nashri Saudiya Arabistoni haj va umraga yangi tibbiy talablarni joriy qilgani haqida yozgan edi.
