Portugaliya terma jamoasi sardori va «Al Nassr» klubi hujumchisi Krishtianu Ronaldu Ar-Riyoddagi mashg‘ulotlarga yangi qiyofada qaytdi. Futbolchi rasmlarini instagramdagi sahifasi orqali ulashdi.
Yangi imij Ronaldu uchun navbatdagi o‘zgarish bo‘lib, u odatda bu kabi holatlar bilan o‘z faoliyatidagi yangi bosqichni boshlab berishini bildiradi.
Futbol muxlislari eslab qolishicha, Ronaldu 2020-yilda «Yuventus» safida o‘ynagan davrida ham shunga o‘xshash soch uslubida maydonga tushgan edi.
Ma’lumot uchun, Krishtianu Ronaldu 1985-yilda Portugaliyada tug‘ilgan va 17 yoshida «Sporting» tarkibida debyut qilgan. 2003-yilda u “Manchester Yunayted”ga o‘tib, tez orada jahon yulduziga aylandi. Klub bilan 3 marta Angliya chempioni va bir marta Chempionlar ligasi g‘olibi bo‘lgan.
2009-yilda Ronaldu «Real Madrid»ga 94 mln yevroga transfer qilinib, o‘sha davrda dunyodagi eng qimmat futbolchi bo‘lgan. Madridda u 450 gol urib, klub tarixidagi eng samarali o‘yinchiga aylandi.
U 5 karra «Oltin to‘p» sohibi, 100 dan ortiq xalqaro gol urgan ilk yevropalik futbolchi. 2023-yildan beri Saudiya Arabistonidagi «Al Nassr» klubi sharafini himoya qilmoqda. Uning Al Nassrдаги yillik maoshi taxminan 208,4 mln yevroni ($225 mln) ni tashkil etadi.
Ronaldu maydondagi qat’iy intizomi, mashg‘ulotlardagi fidoyiligi va o‘ziga xos raqobat ruhi bilan tanilgan.
