Prezident administratsiyasi rahbari maslahatchisi Komil Allamjonov AQShga tashrifi chog‘ida O‘zbekiston fuqarolari uchun B1/B2 vizalarining amal qilish muddatini 1 yildan 10 yilga uzaytirishni taklif qildi. Uning aytishicha, bu qadam ikki davlat o‘rtasidagi aloqalarni yanada mustahkamlashi mumkin.
“Allaqachon aytganmiz: O‘zbekiston AQSh sayyohlari uchun ochiq. Bemalol kelaveringlar. Vizalar muddati 10 yil bo‘lsa, hamkorlik yangi darajaga chiqadi,” — deya qayd etgan Allamjonov.
AQSh Davlat kotibi o‘rinbosari Kristofer Landau taklifni iliq qarshi oldi. Uning ta’kidlashicha, bu tashabbus Amerika sayohat bozorining O‘zbekistonga bo‘lgan qiziqishini keskin oshirishi mumkin.
“Bu ajoyib yangilik. U O‘zbekistonning Amerika turizmi uchun ulkan salohiyatini ochib beradi,” — degan Landau.
Qaynoq24.uz nashri O‘zbekistonda Apple Pay va Google Pay xizmatlari ishga tushirilishi mumkinligi haqida yozgan edi.
