Aktrisa Emma Stoun dunyodagi eng go‘zal ayol deb topildi. Bu haqda Daily Mail nashri xabar bermoqda.
Yangi tadqiqotga ko‘ra, aktrisa Emma Stoun Yunonlarning “Oltin nisbat” (Golden Ratio) formulasi bo‘yicha dunyodagi eng go‘zal ayol deb topildi. U 94,72 foizlik natija bilan jismoniy mukammallik mezoniga eng yaqin ayol sifatida qayd etildi.
Londonning Advanced Facial Cosmetic Surgery markazi rahbari Dr Julian De Silvaning aytishicha, Emma Stounning qoshlar, lablar va jag‘ chizig‘i nisbatlari idealga juda yaqin.
Tadqiqot kompyuter yordamida yuz chizgilari va nisbatlarini tahlil qilish orqali o‘tkazilgan. Usul qadimgi yunonlar ishlab chiqqan Oltin nisbatga asoslanadi. Bu formula insondagi chiroy mezonini 1,618 raqamiga yaqinlik orqali o‘lchaydi. Leonardo da Vinchi ham Vitruvian Man asarida shu nisbatdan foydalangan.
Reytingdagi boshqa mashhurlar
Emma Stoundan keyin ikkinchi o‘rinda Zendaya (94,37 foiz) qayd etildi. Doktor De Silvaning ta’kidlashicha, Zendayaning lablari 99,5 foiz, ko‘zlari 97,3 foiz, peshonasi 98 foiz ko‘rsatkich bilan deyarli mukammal.
Uchinchi o‘rinni Freida Pinto (94,34 foiz) egalladi. Keyingi o‘rinlarda:
- Vanessa Kirby – 94,31 foiz
- Jenna Ortega – peshonasi bo‘yicha eng yaxshi natija (99,6 foiz)
- Olivia Rodrigo – 93,71 foiz
- Margot Robbie – 93,43 foiz
- Aishvarya Rai Bachchan
- Tang Wei
- Beyoncé
Eslatib o‘tamiz, Qaynoq24.uz nashri Kim Kardashianning boyligi 1,9 mlrd dollarga yetgani haqida yozgan edi.
