Markaziy bank tomonidan 17-noyabr uchun oltin quymalarining sotuv narxlari e’lon qilindi. Unga ko‘ra, 5 grammli quymaning narxi 8 079 000 so‘m bo‘ldi.
10 grammli quymaning narxi 16 158 000, 20 grammli quymaning narxi 32 316 000 so‘m, 50 grammli quymaning narxi esa 80 789 000 so‘m etib belgilandi. 100 grammli oltin quymaning yangilangan narxi 161 578 000 so‘mga tenglashdi.
Narxlar xalqaro bozor o‘zgarishiga qarab belgilanadi va kun davomida qayta ko‘rib chiqilishi mumkin.
Global bozorda oltinning narxi qanday?
Oltin narxi hozirda $4 082,55 darajasida turibdi. Bu kun davomida $8,79 yoki 0,22% o‘sishni ko‘rsatdi. Bir kunlik dinamikaga ko‘ra oltin ozgina o‘sishga ega bo‘lmoqda.
Kumush bo‘yicha kunlik ko‘rsatkichlar uncha faol emas. Narx 50,9 dollarga teng bo‘lib, kunlik o‘zgarish -0,01 dollar, ya’ni -0,02% qisqarishni qayd etdi.
Oltinning uzoq muddatli narx harakati yanada sezilarli. So‘nggi bir kun ichida narx $8,60 ga oshgan bo‘lsa, so‘nggi 30 kun ichida $268,59 ga yoki 6,19% ga pasaygan. Biroq yarim yil ichida oltin $844,21 ga (26,14%) oshgan. So‘nggi bir yillik o‘zgarish yanada yuqori — $1 464,63 oshib, umumiy o‘sish 56,13% ni tashkil etgan.
Uzoq muddatli — 5 yillik davrda oltin $2 201,50 ga yoki 117,58% ga oshgan. 20 yillik ko‘rsatkichlar esa juda keskin: narx $3 587,19 ga oshgan va bu 737,24% o‘sishni anglatadi.
Avvalroq Qaynoq24.uz nashri 17-noyabr kuni xorijiy valyutalar qanday qiymatda bo‘lishi haqida yozgan edi.
