Ekvadorning Simiatuga shahrida yirik yo‘l-transport hodisasi sodir bo‘lib, kamida 12 kishi halok bo‘ldi. Bu haqda Reuters axborot agentligi xabar berdi.
Ma’lumotlarga ko‘ra, hodisa Simiatug va Ambato shaharlarini bog‘lovchi shaharlararo yo‘nalishda harakatlangan avtobusning halokatga uchrashi oqibatida yuzaga kelgan. Kamida yana 10 kishi jarohat olgan.
So‘nggi haftalarda boshqa davlatlarda ham sayyohlar qatnashgan avtobus hodisalari kuzatilgan. 8-noyabr kuni Tailandda mehmonxona hududida turistlar ketayotgan mikroavtobus ag‘darilib, 11 kishi jarohatlangan edi. Politsiya barcha jabrlanganlarga tarjimonlar yordam berganini ma’lum qilgan.
Ekvadordagi halokat bo‘yicha tergov davom ettirilmoqda.
Avvalroq Qaynoq24.uz nashri Saudiya Arabistonidagi avtobus halokati oqibatida 45 nafar ziyoratchi halok bo‘lgani haqida yozgan edi.
