O‘zbekiston milliy terma jamoasi va “Bashakshehir” klubi yarimhimoyachisi Abbosbek Fayzullayev oila qurishni rejalashtirmoqda. Bu haqda O‘zbekiston va Misr o‘rtasidagi o‘yin sharhi vaqtida ma’lum qilindi.
Sharh davomida Davron Fayziyev misrlik futbolchi Omar Marmush to‘y arafasida bo‘lgani uchun o‘yinda qatnasha olmaganini aytgan. Shundan so‘ng Zuhriddin Qilichev Fayzullayev ham xuddi shu vaziyatda ekani, ya’ni uylanayotganini bildirgan.
Ma’lumotlarga ko‘ra, futbolchining unashtirilgan kelini Namangan viloyatining Chust tumanidan.
Avvalroq Qaynoq24.uz nashri JCH yo‘llanmasini qo‘lga kiritgan jamoalar haqida yozgan edi.
