“El-yurt umidi” jamg‘armasi mablag‘lari hisobidan stajirovka tashkil etiladi. Nomzodlarni saralash Boshqaruv samaradorligi agentligi tomonidan amalga oshiriladi.
Buyurtmachi tashkilotlar har yili 10 noyabrgacha kadrlar tayyorlashga bo‘lgan ehtiyojlari bo‘yicha lavozim va yo‘nalishlar kesimida Agentlikka ma’lumot taqdim etadi.
“El-yurt umidi” jamg‘armasi Boshqaruv kengashi esa 15 yanvargacha stajirovka dasturining xorijiy davlatlar bo‘yicha kvotalarini tasdiqlaydi.
Nomzodlar ro‘yxatini shakllantirishda quyidagi talablar inobatga olinadi: mutaxassisligi bo‘yicha kamida uch yillik ish tajribasiga ega bo‘lishi, shu jumladan so‘nggi bir yil davomida ayni sohada faoliyat yuritgan bo‘lishi; davlat tilini bilishi; stajirovka o‘tashi rejalashtirilgan xorijiy tashkilotdan shartsiz taklifnomaga ega bo‘lishi.
Saralash jarayoni test sinovlari va suhbat bosqichlaridan iborat bo‘ladi. Test natijasida 71 foiz va undan yuqori ball olgan nomzodlar suhbatga taklif etiladi.
Saralashda g‘olib deb topilgan mutaxassislar “El-yurt umidi” jamg‘armasi, Agentlik, buyurtmachi tashkilot va moliyaviy kafil o‘rtasida tuziladigan shartnoma asosida stajirovkaga yuboriladi.
Qaynoq24.uz “El-yurt umidi” stipendiyasini olish tartibi haqida yozgan edi.
