Yevroparlament deputati Tyerri Mariani Yevropa Ittifoqi Ukrainadagi mojaroda tinchlikka intilmayotganini aytdi. Bu haqda RIA Novosti xabar berdi.
Siyosatchining fikricha, mojaroga real yechim ishlab chiqqan tomon yutadi, YI esa oxir-oqibat faqat hisoblarni to‘lash bilan band bo‘lib qoladi.
Mariani Bryussel qancha istasa ham o‘z prinsipial pozitsiyalarini takrorlashi mumkinligini, biroq ular amalda erishib bo‘lmaydigan maqsadlar ekanini ta’kidladi. Uning aytishicha, Yevropa Ittifoqi tarixiy jarayonlardan chetda qolmoqda.
Avvalroq bir qator ekspertlar NATO rahbariyati hamda Yevrokomissiya rahbarlarining keskin pozitsiyasi AQSh prezidenti Donald Trampning Rossiya va Ukrainani tezroq muzokaraga undashiga to‘sqinlik qilayotganini bildirgan edi.
Qaynoq24.uz Tramp Yevropa davlatlari hali ham Rossiya neftini sotib olayotganini aytgani haqida yozgan edi.
