G‘azoda halok bo‘lganlar soni 70 mingdan oshdi. Bu haqda BBC xabar bermoqda. 350 dan ortig‘i 10-oktabr sulhidan keyin sodir bo‘lganini ta’kidlanmoqda.
G‘azo sog‘liqni saqlash vazirligining ma’lumotiga ko‘ra, Isroilning harbiy amaliyoti boshlangandan buyon halok bo‘lgan falastinliklar soni 70 100 nafarga yetgan. Ma’lumotlar BMT va xalqaro tashkilotlar tomonidan ishonchli deb qabul qilinsa-da, Isroil ular bilan rozi emasligini bildirmoqda.
10-oktabrdan kuchga kirgan sulhga qaramay, hududda o‘limlar soni oshishda davom etmoqda. Isroil sulh buzilgani bois zarbalar berilganini aytmoqda. Shu vaqt ichida vayronalar ostidan ham ko‘plab jasadlar topilmoqda.
G‘azo sog‘liqni saqlash vazirligi o‘limlarning 350 dan ortig‘i 10-oktabr sulhidan keyin sodir bo‘lganini ta’kidlamoqda.
Isroilning G‘azodagi harbiy amaliyotlari 2023-yil 7-oktabrda Hamasning janubiy Isroilga uyushtirgan hujumidan so‘ng boshlangan edi. O‘sha hujumda 1 200 kishi halok bo‘lgan, 251 kishi esa garovga olingan.
Qaynoq24.uz Hamas siyosiy partiya bo‘lishi mumkinligi haqida yozgan edi.
