Toshkent shahrida Hongqi va BYD avtomobillari to‘qnashdi. Bu haqda poytaxt YXHB xabar bermoqda.
Joriy yilning 3-dekabr kuni soat 10:25 da Olmazor tumani KXAY ko‘chasi, 20/3-uy qarshisida Hongqi rusumli avtomobil va BYD rusumli avtomobil ishtirokida yo‘l-transport hodisasi sodir bo‘ldi.
Hodisa oqibatida har ikki transport vositasi haydovchisiga birinchi tez tibbiy yordam ko‘rsatildi.
Mazkur holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.
Qaynoq24.uz Yunusobod tumanida sodir bo‘lgan YTH oqibatida bir piyoda vafot etgani haqida yozgan edi.
