AQSh prezidenti Donald Tramp ma’muriyati xorijiy turistlar uchun yangi tekshiruv tartibini joriy etishni rejalashtirmoqda. Federal reyestrda keltirilgan ma’lumotlarga ko‘ra, mamlakatga kiruvchilar endilikda so‘nggi besh yil davomida foydalanilgan ijtimoiy tarmoqlaridagi akkauntlar tarixini taqdim etishi talab qilinishi mumkin.
AQShning Bojxona va chegara xizmati (CBP) turistlardan elektron pochta manzillari va telefon raqamlarini ham so‘rashga vakolat oladi. Bu choralar Vashingtonning umumiy migratsion siyosatini qat’iylashtirishga qaratilgan.
Yangi talablar AQShga vizasiz kirish huquqiga ega bo‘lgan sayyohlarga ham tatbiq etiladi. Xususan, Buyuk Britaniya, Germaniya va boshqa davlat fuqarolari odatda hujjatsiz tarzda onlayn ruxsatnoma olgan holda AQShga kirishlari mumkin edi — yangi tartib bu jarayonga qo‘shimcha tekshiruvlarni qo‘shadi.
Qaynoq24.uz AQSh O‘zbekistondagi bir kompaniyani qora ro‘yxatga kiritgani haqida yozgan edi.
