Yevropa Ittifoqida Ukraina mojarosini tartibga solish masalasida yuzaga kelgan kelishmovchiliklar Rossiya bilan urush ehtimolidan qo‘rquv va uning og‘ir oqibatlari bilan bog‘liq. Bu haqda turkiyalik tashqi siyosat bo‘yicha ekspert Fyevzi Aytadj RIA Novosti agentligiga bergan intervyusida aytib o‘tdi.
Mutaxassisning ta’kidlashicha, Yevropa Ittifoqi yagona siyosiy tuzilma bo‘lishiga qaramay, Rossiya va Ukraina bilan bog‘liq masalalarda umumiy konsensus tobora yo‘qolib bormoqda. Yevropa davlatlari bu borada tobora bir-biridan farq qiluvchi, ayrim hollarda esa mutlaqo qarama-qarshi pozitsiyalarni ilgari surmoqda.
Aytadj Yevropa Ittifoqidagi chuqur ichki ziddiyatlar AQSh prezidenti Donald Trampning Yevropa yetakchilariga nisbatan bildirgan keskin tanqidlarida ham yaqqol namoyon bo‘layotganini qayd etdi.
Avvalroq Rossiya Federatsiyasi Kengashi a’zosi Aleksey Pushkov ham AQSh va Yevropa Ittifoqi o‘rtasida Ukraina masalasi bo‘yicha qarashlar tobora farqlanib borayotganini ta’kidlagan edi. Uning fikricha, Vashingtonning harbiy harakatlarni imkon qadar tezroq to‘xtatishga intilishi Yevropa Ittifoqining urushdan “reallikka mos kelmaydigan umidlari” bilan keskin zid kelmoqda.
Qaynoq24.uz Gruziyada Turkiya harbiy samolyoti halokatga uchragani haqida yozgan edi.
