31-mart kuni O‘zbekistonda havo asosan o‘zgaruvchan bo‘ladi. Ayrim hududlarda qisqa muddatli yomg‘ir va momaqaldiroq kuzatilishi mumkin.
Toshkent shahrida yog‘ingarchilik kutilmaydi. Shamol sharqdan 3–8 m/s tezlikda esadi. Harorat kechasi 13–15°, kunduzi 27–29° iliq bo‘ladi. Qoraqalpog‘iston va Xorazmda kunning ikkinchi yarmida ba’zi joylarda yomg‘ir yog‘adi, momaqaldiroq bo‘ladi. Harorat kechasi 10–15°, kunduzi 22–27° bo‘ladi.
Buxoro va Navoiy viloyatlarida ayrim hududlarda yomg‘ir va momaqaldiroq kuzatiladi. Ayrim joylarda chang-to‘zon bo‘lishi mumkin. Harorat kechasi 12–17°, kunduzi 25–30° bo‘ladi. Toshkent viloyati, Sirdaryo, Jizzax va Samarqandda ham kunning ikkinchi yarmida yomg‘ir ehtimoli bor. Ba’zi joylarga tuman tushadi. Harorat 12–17° dan 25–30° gacha ko‘tariladi. Qashqadaryo va Surxondaryoda yog‘ingarchilik kutilmaydi. Shamol kuchayib, chang-to‘zonlar bo‘lishi mumkin. Harorat kechasi 12–17°, kunduzi 25–30° bo‘ladi.
Andijon, Namangan va Farg‘onada havo quruq bo‘ladi. Harorat kechasi 12–17°, kunduzi 23–28° atrofida bo‘ladi. Tog‘ oldi va tog‘li hududlarda esa yomg‘ir yog‘adi, momaqaldiroq bo‘lishi mumkin. Ayrim joylarda sel-suv toshqin xavfi bor. Harorat kechasi 5–10°, kunduzi 15–20° bo‘ladi.
