Andijon viloyatining Xo‘jaobod tumani hududida giyohvandlik vositalari bilan bog‘liq yirik holat aniqlandi. Huquqni muhofaza qiluvchi organlar tomonidan o‘tkazilgan tezkor tadbirda 31 yoshli shaxs qo‘lga olindi.
Ma’lum qilinishicha, u Toshkent viloyatining Yuqori Chirchiq tumanida yashaydi va muqaddam sudlangan. Erkak boshqaruvidagi BYD rusumli avtomobil ko‘zdan kechirilganda 6 dona polietilen o‘ramda jami 5 kg 946 gr “mefedron” sintetik giyohvandlik moddasi topilgan.
Dastlabki ma’lumotlarga ko‘ra, gumonlanuvchi ushbu moddani “zakladka” usulida yashirilgan joydan olib, Toshkent shahriga olib ketayotgan bo‘lgan.
Holat yuzasidan jinoyat ishi qo‘zg‘atilib, tergov harakatlari olib borilmoqda.
Qaynoq24.uz xorijga ishga yuborishni va’da qilgan firibgarlar ushlangani haqida yozgan edi.
