9-noyabr kuni Atyrau aeroportida bir yo‘lovchining noo‘rin hazili katta sarosimaga sabab bo‘ldi. Bu haqda Inbusiness.kz xabar bermoqda.
Ro‘yxatdan o‘tish jarayonida xodimning oddiy savoliga u qo‘l yukida bomba borligini aytgan. Xodimlar tartibga qat’iy amal qildi va darhol bino to‘sib qo‘yildi, barcha yo‘lovchilar evakuatsiya qilindi.
Hodisa sabab bir nechta reyslar kechiktirilgan. Maydonga kinologlar va politsiya yetib kelgan. Tekshiruv natijasiga ko‘ra hech qanday portlovchi vosita topilmagan. Hazil qilgan fuqaro qo‘lga olinib, holat bo‘yicha surishtiruv boshlangan.
Aeroport faoliyati qisqa to‘xtalishdan so‘ng odatiy tartibda davom etgan.
Avvalroq Qaynoq24.uz nashri Qozog‘istonda 2,5 ming yillik sak jangchisining qabri topilgani haqida yozgan edi.
