Toshkentning Chilonzor tumanida 4-dekabr kuni kechqurun yo‘l-transport hodisasi qayd etildi. Soat 19:00 atrofida Cho‘ponota ko‘chasida harakatlanayotgan Monza rusumli avtomobil haydovchisi tartibga solingan piyodalar o‘tish joyidan o‘tayotgan fuqaroni urib yuborgan.
Hodisa oqibatida piyodaga zudlik bilan birinchi tibbiy yordam ko‘rsatildi. Tergovga qadar surishtiruv ishlari Toshkent shahar IIBB YHXB tomonidan olib borilmoqda.
Huquq-tartibot organlari barcha yo‘l harakati qatnashchilarini qoidalarga qat’iy rioya etishga chaqirmoqda.
Qaynoq24.uz Yunusobod tumanida sodir bo‘lgan YTH oqibatida bir piyoda vafot etgani haqida yozgan edi.
