Davlat fuqarolik xizmati qo‘llaniladigan tashkilotlar ro‘yxatiga o‘zgartirishlar kiritildi. Bu haqda Adliya vazirligi xabar bermoqda.
Yangilangan tartibga ko‘ra, davlat fuqarolik xizmati tatbiq qilinadigan davlat organlari va tashkilotlar ro‘yxatiga quyidagi tuzilmalar qo‘shildi:
- Telekommunikatsiyalarni tartibga solish agentligi.
- Yengil sanoatni rivojlantirish agentligi.
- Kasbiy ta’lim agentligi.
Shuningdek, respublika, hududiy va tuman darajasidagi davlat organlari uchun davlat fuqarolik xizmati lavozimlari reyestri quyidagi yangi lavozimlar bilan to‘ldirildi:
Vazirlik va idoralarda 16 ta lavozim: axborot xizmati rahbari (matbuot kotibi), bosh inspektor, bosh maslahatchi, bosh yuriskonsult va boshqa mas’ul lavozimlar.
Hududiy bo‘linmalarda 14 ta lavozim: matbuot kotibi, devonxona mudiri, yetakchi maslahatchi, katta maslahatchi va boshqa tegishli lavozimlar.
Avvalroq Qaynoq24.uz nashri tadbirkorlarning ma’muriy xarajatlari 90 mlrd so‘mgacha kamaytirilishi haqida yozgan edi.
