O‘zbekistonda elektr va gazdan noqonuniy foydalanish bilan bog‘liq bir necha holatlar fosh etildi. Bu haqda Bosh prokuratura huzuridagi departament ma’lum qildi.
Mirzaobod tumanida fermer xo‘jaligi vakillari baliqchilik obyektida hisoblagichga ta’sir ko‘rsatgan. Natijada 389,9 mln so‘mlik elektr noqonuniy ishlatilgan. Furqat tumanida MChJ rahbari gaz tarmog‘iga noqonuniy ulanib olgan. 230,9 mln so‘mlik gazdan ruxsatsiz foydalanilgan.
O‘zbekiston tumanida oilaviy korxona ishlab chiqarish binosini elektrga noqonuniy ulagan. Bu orqali 150,6 mln so‘mlik energiya talon-toroj qilingan. Angren shahrida esa umumiy ovqatlanish shoxobchasida gaz hisoblagichiga aralashuv aniqlangan. 204,2 mln so‘mlik gaz noqonuniy ishlatilgan.
Mazkur holatlar yuzasidan jinoyat ishlari qo‘zg‘atilgan. Tergov harakatlari davom etmoqda.
Qaynoq24.uz kuchli ta’sir qiluvchi dori savdosi bilan shug‘ullanganlar ushlangani haqida yozgan edi.
