Farg‘ona viloyatining Rishton tumanida aktsiz markasiz tamaki mahsulotlari noqonuniy olib o‘tilishiga chek qo‘yildi. Tezkor tadbir huquqni muhofaza qiluvchi organlar hamkorligida o‘tkazildi. Bu haqda Bosh prokuratura huzuridagi Departament xabar bermoqda.
Tadbir davomida fuqaro R.O. “Qozi Ahror” MFY hududida ushlandi. U O‘zbekiston va Qirg‘iziston chegarasini kesib o‘tuvchi ariqqa yashirin yo‘l orqali mahsulot olib kirgan.
Tekshiruvda umumiy qiymati 71,9 mln so‘mlik 2 248 quti “Esse Change” tamaki mahsuloti aniqlanib, ashyoviy dalil sifatida rasmiylashtirildi.
Mazkur holat yuzasidan Jinoyat kodeksining 186-1-moddasi bilan jinoyat ishi qo‘zg‘atildi. Hozirda tergov harakatlari olib borilmoqda.
Qaynoq24.uz avtomobil yoqilg‘i baki ichidan yirik miqdorda giyohvand moddalar aniqlangani haqida yozgan edi.
