Rossiyada Honor 200 smartfonining narxi keskin tushdi. Bu haqda “Palach” nashri xabar bermoqda. Model 2024-yilda taqdim etilgan.
Smartfon 6,7 dyuymli 120 Hz yangilanish chastotasiga ega AMOLED displey bilan jihozlangan. Ekran 1.5K aniqlikni, 1 mlrd rang uzatilishini va HDR’ni qo‘llab-quvvatlaydi. Yorqinlik darajasi 4000 nitgacha yetadi. Quyosh ostida ham tasvir aniq ko‘rinadi.
Honor 200 Snapdragon 7 Gen 3 chipida ishlaydi. Bu protsessor kundalik foydalanish va o‘rtacha darajadagi o‘yinlar uchun yetarli quvvat beradi. Qurilma tez ishlaydi va qizib ketmaydi.
Asosiy ustunlik kameraga bog‘liq. Old kamera 50 MP. Orqa tomonda 50+50+12 MP uch kamerali blok o‘rnatilgan. Ikki sensor optik stabilizatsiyaga ega. Telekamera 2,5 karra optik zumni qo‘llaydi. Shu narx segmenti uchun surat va video sifati yuqori darajada.
Batareya ham kuchli. 5200 mA/soat sig‘imli silikon-karbon akkumulyator o‘rnatilgan. 120 vattli tezkor quvvatlash mavjud. Qurilma 0 dan 100 foizgacha taxminan 45 daqiqada quvvatlanadi. Shuningdek, stereo karnaylar va NFC moduli ham bor.
Kamchilik sifatida suv va changdan himoya yo‘qligi ko‘rsatilmoqda. Biroq mutaxassislar bunga juda past narx kompensatsiya bo‘layotganini ta’kidlaydi.
Model bir nechta onlayn do‘konlarda 20 ming rublga (255 dollar) baholangan.
Qaynoq24.uz eng yaxshi kameraga smartfonlar aniqlangani haqida yozgan edi.
