Honor Magic 8 RSR kompaniyaning eng kuchli va texnologik flagmanlaridan biri bo‘ladi. Yangi model Snapdragon 8 Elite Gen 5 protsessori bilan jihozlanadi.
Chipset 24 GB gacha tezkor xotira va 1 TB hajmdagi ichki xotira bilan ishlaydi. Bu kombinatsiya qurilmani yuqori unumdorlik talab qilinadigan vazifalar uchun mos qiladi.
Smartfon old panelida 6,71 dyuymli LTPO displey joylashadi. Ekran 2808 × 1256 piksel aniqlikka ega bo‘ladi. Qurilmada xavfsizlik uchun 3D yuz skaneri hamda 3D ultratovushli barmoq izi sensori qo‘llaniladi.
Honor Magic 8 RSR 7200 mA/soat sig‘imli akkumulyator bilan ta’minlanadi. Zaryadlash imkoniyatlari ham yuqori darajada: 120 vattli simli va 100 vattli simsiz tezkor zaryadlash qo‘llab-quvvatlanadi.
Manbalarga ko‘ra, smartfon yuqori darajadagi himoyaga ega bo‘ladi. Qurilma IP68, IP69 va hatto IP69K standartlariga mos keladi. Bu esa uni suv, chang va yuqori bosimli suv oqimidan himoyalaydi. Model kulrang va “oy rang” dizayn variantlarida taqdim etilishi kutilmoqda.
Honor Magic 8 RSR, shuningdek, Magic 8 Air modellari bilan birga yanvar oyining o‘rtalari yoki oxirida savdoga chiqarilishi mumkin.
Qaynoq24.uz eng yaxshi Honor smartfonlari haqida yozgan edi.
