Zarafshon va Buxoroda energiya resurslaridan noqonuniy foydalanish aniqlandi. Bu haqda Bosh prokuratura huzuridagi Departament ma’lum qildi.
Zarafshon shahrida “T.S.” MChJ mas’ul shaxslari avtotransportlarga xizmat ko‘rsatish binosida umumiy elektr tarmog‘iga o‘zboshimchalik bilan ulangan. Natijada 311,3 mln so‘mlik elektr energiyasidan noqonuniy foydalanilgan.
Buxoro tumanida esa “S.” xususiy korxonasi rahbari Z.Sh. umumiy ovqatlanish shoxobchasida tabiiy gaz tarmog‘iga ruxsatsiz ulanib olgan. U 105,9 mln so‘mlik gazdan tijorat maqsadida noqonuniy foydalangani aniqlangan.
Mazkur holatlar yuzasidan Jinoyat kodeksining 169-moddasi bilan jinoyat ishlari qo‘zg‘atildi. Hozirda tergov harakatlari olib borilmoqda.
Qaynoq24.uz kuchli ta’sir qiluvchi dorilar savdosi bilan shug‘ullanganlar ushlangani haqida yozgan edi.
