Namangan viloyatida sifati kafolatlanmagan va qalbaki dori vositalarining savdoga chiqarilishi to‘xtatildi. Bu haqda Bosh prokuratura huzuridagi Departament viloyat boshqarmasi ma’lum qildi.
Tezkor tadbir Departament, DXX va IIB xodimlari hamkorligida o‘tkazildi. Unda “M.A.” MChJ ombori mudiri A.I. Namangan shahri “Ilg‘or” MFY hududidagi noturar binoda turli nomdagi qalbaki va yaroqlilik muddati o‘tgan dori vositalari hamda tibbiy buyumlarni sotish maqsadida saqlab kelayotgani aniqlandi.
Binodan jami qiymati 1,4 mlrd so‘mlik 1337 turdagi dori vositalari va tibbiy buyumlar topilib, ashyo dalil sifatida olingan.
Mazkur holat bo‘yicha Jinoyat kodeksining 186-3-moddasi bilan jinoyat ishi qo‘zg‘atildi. Hozirda tergov harakatlari davom etmoqda.
Avvalroq Qaynoq24.uz nashri Jomboyda 106,4 mln so‘mlik elektrdan noqonuniy foydalangan shaxs aniqlangani haqida yozgan edi.
