Oliy ta’lim vazirligi xodimi 100 ming dollar olgan vaqtda ushlandi. Bu haqda davlat xavfsizlik xizmati xabar bermoqda.
U Qarshi shahrida faoliyat yurituvchi nufuzli nodavlat oliy ta’lim muassasasining Surxondaryo viloyatida filialini ochish bo‘yicha vazirlik tomonidan litsenziya berish masalasini qisqa muddatda ijobiy hal qilib berish evaziga universitetning mansabdor shaxsidan 100 ming AQSH dollari talab qilgan.
Davlat xavfsizlik xizmatining Qashqadaryo viloyati bo‘yicha boshqarmasi xodimlari Toshkent shahrida o‘tkazilgan tezkor tadbirda vazirlikning etakchi mutaxassisini so‘ralgan pul mablag‘ini olgan vaqtda ushlashgan.
Holat yuzasidan DXX Tergov boshqarmasi tomonidan mazkur shaxsga nisbatan Jinoyat Kodeksining 168-moddasi (firibgarlik) 4-qismi “a” bandi bilan jinoyat ishi qo‘zg‘atilib, “qamoq” ehtiyot chorasi qo‘llanildi. Hozirda tergov harakatlari olib borilmoqda.
Qaynoq24.uz Andijonda ishga joylashtirish bilan bog‘liq noqonuniy holat fosh etilgani haqida yozgan edi.
