Oppo K15 Pro smartfoni rasmiy taqdimotdan oldin asosiy texnik xususiyatlarini ochdi. Qurilma unumdorlik va uzoq ishlashga urg‘u bilan ishlab chiqilgan.
Smartfon 6,59 dyuymli ekran bilan jihozlangan. Displey 144 Hz yangilanish tezligini qo‘llab-quvvatlaydi. Bu o‘yin va silliq ishlash uchun muhim afzallik beradi. Model MediaTek Dimensity 8500 SUPER protsessori asosida ishlaydi. Kompaniya Tide Engine tizimi orqali ishlashni optimallashtirganini aytmoqda. Bu uzoq vaqt barqaror unumdorlikni ta’minlashga qaratilgan.
Sovutish tizimi ham alohida e’tiborga ega. Qurilmada faol sovutish ventilyatori va katta VC plastina mavjud. Bu uzoq o‘yin seanslarida qizib ketishni kamaytiradi.
Smartfon 7500 mA/soat sig‘imli katta batareya bilan keladi. U 80 Vt tezkor zaryadlashni qo‘llab-quvvatlaydi. Shuningdek bypass charging va maxsus boshqaruv chipi mavjud. Kamera tizimi segment uchun standart darajada. Asosiy modul 50 MP va OIS bilan jihozlangan. Bundan tashqari 8 MP ultra keng burchakli kamera bor. Old kamera esa 16 MP.
Qurilma IP69 himoya darajasiga ega. U zarba va chidamlilik testlaridan o‘tgan. Shuningdek sun’iy yo‘ldosh aloqasi qo‘llab-quvvatlanadi. Smartfonning to‘liq taqdimoti yaqin kunlarda bo‘lib o‘tadi. Narxi va boshqa tafsilotlar ham shu tadbirda e’lon qilinadi.
Qaynoq24.uz Oppo K seriyasi qachon taqdim etilishi haqida yozgan edi.
