O‘zbekiston oktabr oyida 9 tonna oltin xarid qildi. Bu haqda Gold.org portalining oktabr uchun hisobotida ma’lum qilindi.
Polsha Markaziy banki may oyidan beri tanaffus qilgan oltin xaridini oktabrda qayta boshladi. 16 tonna xarid natijasida zaxira 531 tonnaga yetdi, bu jami zaxiralarning 26 foizini tashkil qiladi.
Braziliya Markaziy banki ham ketma-ket ikkinchi oy xaridni davom ettirdi. Sentyabrdagi 15 tonnadan so‘ng oktabrda yana 16 tonna qo‘shilib, mamlakat zaxirasi 161 tonnaga yetdi (6%).
Shuningdek, Indoneziya (4 t), Turkiya (3 t), Chexiya (2 t), Qirg‘iziston (2 t), Gana, Xitoy, Qozog‘iston va Filippin markaziy banklari ham 1 tonnadan ortiq oltin sotib olgan.
Rossiya Markaziy banki esa oktabr oyida oltin zaxirasini kamaytirgan yagona regulyator bo‘lib, uning zaxirasi 3 tonnaga tushib, 2 327 tonnani tashkil etdi.
Jadval:
| Davlat / Markaziy bank | Xarid miqdori (tonna) |
|---|---|
| Polsha | 16 t |
| Braziliya | 16 t |
| O‘zbekiston | 9 t |
| Indoneziya | 4 t |
| Turkiya | 3 t |
| Chexiya | 2 t |
| Qirg‘iziston | 2 t |
| Gana | >1 t |
| Xitoy | >1 t |
| Qozog‘iston | >1 t |
| Filippin | >1 t |
| Rossiya | –3 t |
Qaynoq24.uz 3-dekabr kuni oltin quymalari qanday narxda sotilishi haqida yozgan edi.
