“Qamchiq” dovoni avtomobillar harakati uchun qayta ochildi. Bu haqda Favqulodda vaziyatlar vazirligi xabar berdi.
10-dekabr kuni soat 02:30 da dovonda qor ko‘chkisi xavfi kuchaygani sababli A-373 avtomobil yo‘lining ushbu qismi vaqtincha yopilgan edi. Vazirlik rahbarligida tegishli xizmatlar bilan hamkorlikda amalga oshirilgan zarur muhofaza va xavfsizlik tadbirlari natijasida dovon soat 12:00 dan boshlab to‘liq ravishda avtomobillar harakati uchun qayta ochildi.
FVV vaziyat yuzasidan aholini ogoh bo‘lishga chaqirib, dovonda harakatlanayotganda belgilangan qoidalarga qat’iy rioya etishni eslatdi.
Qaynoq24.uz “Qamchiq” dovoni vaqtincha yopilgani haqida yozgan edi.
