Bosh prokuratura huzuridagi Departament va ichki ishlar organlari qo‘lbola alkogol mahsulotlari aylanmasiga qarshi bir nechta tezkor tadbir o‘tkazdi. Tadbirlar davomida yirik miqdorda qalbaki aksiz markali mahsulotlar musodara qilindi.
Xo‘jayli tumanida to‘xtatilgan “Cobalt” avtomobilidan 20,6 mln so‘mlik 588 dona qo‘lbola alkogol ting‘di. Mahsulotlar sotish uchun olib ketayotgan fuqaro ustidan tekshiruv boshlandi.
Nukus shahridagi xonadonda yashirin sex fosh etildi. U yerdan 338 dona aksiz marka, 111 litr spirt, 90 dona “Qaratau” arog‘i, “QR-kod” markirovkalar va boshqa jihozlar ashyoviy dalil sifatida olindi.
Chiroqchi tumanida esa muqaddam sudlangan fuqaro 400 dona iste’molga yaroqsiz qo‘lbola alkogolni 10 mln so‘mga sotish paytida ushlandi. Organlar mazkur holatlar bo‘yicha tegishli tartibda surishtiruv boshladi.
Shuningdek, Jizzax shahrida o‘tkazilgan tezkor tadbir davomida “H.A.” xususiy korxonasi rahbari J.R. va dorixona sotuvchisi I.R. shifokor retseptisiz 136 dona “Omnadren 250” dori vositasini fuqaro M.X.ga 7,3 mln so‘mga sotayotganda ushlandi. Dori tarkibida kuchli ta’sir qiluvchi moddalar mavjud bo‘lgani aytilmoqda.
Shuningdek, Zaafarobod tumanida o‘tkazilgan tadbirda fuqaro Z.U. tarkibida kuchli ta’sir qiluvchi moddalar bo‘lgan turli nomdagi 602 dona dori vositasini 2,3 mln so‘mga sotayotganida qo‘lga olindi.
Mazkur holatlar yuzasidan Jinoyat kodeksining 251-1-moddasi bo‘yicha jinoyat ishlari qo‘zg‘atilib, tergov harakatlari olib borilmoqda.
Avvalroq Qaynoq24.uz nashri Sirdaryo, Andijon va Samarqandda korrupsion holatlarning oldi olingani haqida yozgan edi.
