21 yoshli rossiyalik tennischi Mariya Timofeyeva o‘z sport fuqaroligini o‘zgartirib, endilikda O‘zbekiston bayrog‘i ostida musobaqalarda ishtirok etadi. Buni WTA rasmiy saytidagi sportchi profili yangilangani orqali ko‘rish mumkin.
O‘zbekiston Tennis federatsiyasi rais o‘rinbosari Iroda Tulaganova bu ma’lumotni tasdiqlagan.
“Ha, Mariya Timofeyeva rasman fuqaroligini o‘zgartirdi va endi O‘zbekiston nomidan chiqish qiladi. Uning oilasi olti oydan ortiq vaqt davomida Toshkentda yashab kelmoqda,” — degan u.
Mariya Timofeyeva 2004-yilda Moskvada tug‘ilgan. U Rossiya terma jamoasi tarkibida bir qator xalqaro turnirlarda ishtirok etgan va yoshlar o‘rtasidagi yirik musobaqalarda muvaffaqiyatlarga erishgan.
