Samsung Galaxy A55 foydalanuvchilari One UI 8.5 beta sinovida qatnashishi mumkin. Bu haqda Sammobile nashri xabar bermoqda.
Ma’lumotlarga ko‘ra, Samsung serverlarida Galaxy A55 uchun One UI 8.5 beta versiyasi aniqlangan. U A556SKSU7ZZD3 firmware raqami bilan qayd etilgan. Bu esa kompaniya yaqin orada beta dasturini ishga tushirishi mumkinligini ko‘rsatadi.
Galaxy A55 dastlab One UI 6 asosida taqdim etilgan edi. Samsung ushbu model uchun 4 ta yirik Android yangilanishini va’da qilgan. Hozirgacha qurilma One UI 7 va One UI 8 versiyalarini olgan. Endi esa One UI 8.5 yangilanishi ham rejalashtirilmoqda. Yangi One UI 8.5 interfeys dizaynida yangilanishlar va qo‘shimcha funksiyalarni olib keladi. Bu foydalanuvchi tajribasini yanada qulay va moslashuvchan qiladi. Tizim orqali smartfondan foydalanish yanada soddalashadi.
Kutilishicha, beta dastur 1–2 oy davom etadi. Shundan so‘ng Samsung barqaror versiyani barcha foydalanuvchilar uchun chiqaradi. Beta versiyani o‘rnatishni istamagan foydalanuvchilar esa yakuniy relizni kutishiga to‘g‘ri keladi.
Qaynoq24.uz Samsung kompaniyasining yangi smartfoni 260 dollarga arzonlagani haqida yozgan edi.
