Sirdaryoda qalin tuman sabab 8 ta avtomobil ishtirokida YTH sodir bo‘ldi. Hodisa oqibatida fuqarolarga tan jarohati yetmagan.
Joriy yilning 26 noyabr kuni soat 07:30 lar atrofida Sirdaryo viloyati Mirzaobod tumani hududidan o‘tuvchi xalqaro ahamiyatdagi “A-373” avtomobil yo‘lining “Jizzax–Toshkent” yo‘nalishi 97-kilometrida qalin tuman tushishi oqibatida yo‘l ko‘rinishi keskin cheklangan. Shu sharoitda harakatlanib ketayotgan haydovchilarning belgilangan masofani saqlamaganliklari natijasida 8 ta yengil avtomobil ishtirokida yo‘l-transport hodisasi yuz bergan.
Hozirda Sirdaryo viloyati IIB YHXB tomonidan surishtiruv ishlari olib borilmoqda.
Qaynoq24.uz Farg‘onada 7 ta avtomobil ishtirokida avariya sodir bo‘lgani haqida yozgan edi.
