Slovakiyaning Bratislava yaqinida 9-noyabr kuni ikki yo‘lovchi poyezdi to‘qnashdi. Bu haqda Reuetrs xabar bermoqda.
Hodisa Bratislava va Pezinok orasidagi yo‘nalishda sodir bo‘ldi. Rasmiylar poyezdlar orqasidan kelib urilganini aytdi. To‘qnashuv qarama qarshi yo‘nalishda bo‘lmagan.
Ichki ishlar vaziri voqea joyida bo‘lib, o‘lim holati qayd etilmaganini bildirgan. Uning aytishicha, 11 kishi kasalxonaga yotqizilgan. Ularning aksariyati yengil jarohat olgan. Poyezdlar ag‘darilmagan va katta halokat kuzatilmagan.
Hodisa sabablarini aniqlash davom etmoqda. Mutaxassislar signalizatsiya tizimi, operator xatosi yoki texnik nosozlikni tekshirmoqda.
Temiryo‘l operatorlari yo‘nalishda xavfsizlik tekshiruvlarini boshladi. Avariya bo‘lgan qismda avtobuslar vaqtincha poyezdlar o‘rnini bosa boshladi. Fuqarolardan temiryo‘l qatnovlaridan ehtiyotkorlik bilan foydalanish so‘ralmoqda.
Avvalroq Qaynoq24.uz sayti Turkiyada atir zavodida yong‘in chiqib, olti kishi halok bo‘lgani haqida yozgan edi.
