Tojikiston Milliy xavfsizlik davlat qo‘mitasi Afg‘oniston bilan chegarada qurolli to‘qnashuv sodir bo‘lganini bildirdi. Hodisa haqida TASS xabar berdi.
Qo‘mita ma’lumotiga ko‘ra, Shamsiddin Shohin tumani hududida chegarani noqonuniy kesib o‘tgan terroristik guruhning uch a’zosi yo‘q qilingan. Otishma vaqtida Tojikiston chegara xizmati ikki xodimi halok bo‘lgan.
Mahalliy OAVlar xabariga ko‘ra, to‘qnashuvdan bir kun avval Afg‘oniston tomondan kontrabandachilar kirib kelgani aytilgan. O‘sha paytda ikki chegarachi halok bo‘lgani, bir necha kishi yaralanganligi haqida xabarlar tarqalgan.
Rasmiylarga ko‘ra, guruh yo‘q qilingandan so‘ng chegara hududidagi vaziyat barqaror. Qo‘mita holat nazorat ostida ekanini ta’kidladi.
Qaynoq24.uz Rossiyada o‘ldirilgan tojik bolalarining soni haqida yozgan edi.
