Toshkentda 14-17-noyabr kunlari yirik xalqaro tadbirlar o‘tkazilishi sabab vaqtincha cheklovlar joriy etiladi. Bu haqda shahar hokimiyati ma’lum qildi.
15-noyabr kuni Abdulla Qodiriy ko‘chasining Ganga ko‘prigidan boshlanuvchi qismi hamda Qorasaroy ko‘chasi qisman yopiladi.
16-noyabrda esa Islom Karimov ko‘chasidan Furqat ko‘chasigacha bo‘lgan yo‘lakda vaqtinchalik cheklov bo‘ladi.
14-17-noyabr oralig‘ida viloyatlardan keladigan yuk mashinalari poytaxtga kiritilmaydi. Yuk transporti markaz bo‘ylab harakatlana olmaydi.
Haydovchilar uchun aylanma yo‘llar mavjud. Farg‘ona vodiysi tomondan kelayotgan tranzit esa D-012 avtomagistraliga yo‘naltiriladi.
Avvalroq Qaynoq24.uz nashri Toshkentda Markaziy Osiyo davlatlari rahbarlarining 7-Maslahat uchrashuvi bo‘lib o‘tishi haqida yozgan edi.
