Toshkent viloyatida o‘tkazilgan tezkor-qidiruv tadbirlarida bir nechta hududlarda giyohvand modda saqlash bilan bog‘liq holatlar fosh etildi va narkotik vositalar ashyoviy dalil sifatida olib qo‘yildi.
Davlat xavfsizlik xizmati va Ichki ishlar organlari Toshkent viloyatida jinoyatchilikka qarshi tezkor-qidiruv tadbirlarini o‘tkazdi. Tadbirlar kriminal vaziyatni sog‘lomlashtirish hamda qimmatbaho metallarning noqonuniy savdosiga aloqador guruhlar faoliyatiga chek qo‘yish maqsadida tashkil etildi.
Tekshiruvlar Ohangaron tumani, Angren va Olmaliq shaharlarida o‘tkazildi. Natijada to‘qqiz nafar fuqaroning yashash xonadonlaridan jami 17,5 tonna tarkibida qimmatbaho metall bo‘lgan qum va toshlar aniqlandi. Shuningdek, ularga ishlov berishda foydalanilgan asbob-uskunalar ham olib qo‘yildi.
Tezkor tadbirlar davomida 135 gramm oltin, 25 gramm “marixuana” giyohvandlik vositasi, bitta ov quroli hamda 42 dona o‘q-dori protsessual tartibda rasmiylashtirib olindi.
Hozirda barcha ashyoviy dalillar ekspertizaga yuborilgan. Holat yuzasidan tergovga qadar tekshiruv ishlari olib borilmoqda.
Qaynoq24.uz Toshkent tumanida noqonuniy tamaki savdosi bilan shug‘ullangan shaxs ushlangani haqida yozgan edi.
