Venesuelaga Rossiyadan noma’lum yuk olib ketgan harbiy-tashuv samolyoti yetib kelgani aniqlandi. FlightRadar24 ma’lumotlariga ko‘ra, “Aviakon Sitotrans” aviakompaniyasiga tegishli Il-76TD samolyoti 22-oktabr kuni Rossiyadan havoga ko‘tarilgan.
Parvoz davomida samolyot Armaniston, Jazoir, Marokash, Senegal va Mavritaniyada to‘xtab o‘tgan. Yukning mazmuni hozircha ochiqlanmagan.
Ma’lumot uchun, “Aviakon Sitotrans” 2023-yil yanvarida AQSh tomonidan qurol tashish bilan bog‘liq sanksiyalar ro‘yxatiga kiritilgan edi. Ushbu parvoz Donald Trampning Venesuelada “quruqlik operatsiyasi” o‘tkazish haqidagi ogohlantiruvlari fonida amalga oshirilgani e’tiborni tortdi.
