Realme kompaniyasi tomonidan yangi Realme 16 5G smartfoni yangi imkoniyatlar bilan Hindistonda rasman taqdim etildi. Qurilma yosh foydalanuvchilarga mo‘ljallangan bo‘lib, kuchli batareya va yorqin displey bilan ajralib turadi.
Smartfon 6,57 dyuymli AMOLED displey bilan jihozlangan. Ekran Full HD+ formatni qo‘llab-quvvatlaydi va 120 Hz yangilanish tezligiga ega. Maksimal yorqinlik 4200 nitgacha yetadi. Rang qamrovi 100% DCI-P3 darajasida. Displey DT Star D+ himoya oynasi bilan qoplangan.
Qurilma ichida MediaTek Dimensity 6400 protsessori ishlaydi. Chip 6 nm texnologiyada ishlab chiqarilgan. Smartfon 8 GB yoki 12 GB tezkor xotira bilan taklif qilinadi. Doimiy xotira 128 GB va 256 GB variantlarda mavjud.
Smartfon Android 15 asosidagi Realme UI 7.0 tizimida ishlaydi. Tizimda AI asosidagi Flux Engine optimizatsiyasi mavjud. Kompaniya 72 oylik tezkorlikni saqlash dasturini va’da qilgan.
Kamera tizimi ham kuchli. Asosiy kamera 50 MP Sony IMX852 sensoriga ega. Qo‘shimcha ravishda 2 MP monoxrom modul bor. Old kamera ham 50 MP. Qurilma AI funksiyalar, suv ostida suratga olish va avtomatik video montajni qo‘llab-quvvatlaydi.
Batareya 7000 mA/soat sig‘imga ega. 60 Vt tezkor zaryadlash mavjud. Qurilma 30 daqiqada 50% va 74 daqiqada 100% zaryad oladi. Bypass va revers zaryadlash ham bor. Batareya 1600 sikldan keyin ham 80% sig‘imni saqlaydi. Smartfon IP66, IP68, IP69 va IP69K standartlari bo‘yicha himoyalangan. Unda displey osti barmoq izi skaneri, Face ID, Wi-Fi 6, Bluetooth 5.4 va stereo Hi-Res audio mavjud.
Narx:
| Xotira varianti | Narxi |
|---|---|
| 8 GB + 128 GB | $350 |
| 8 GB + 256 GB | $375 |
| 12 GB + 256 GB | $410 |
Qaynoq24.uz 10 000 mA/soat batareya bilan Realme Narzo Power 5G taqdim etilgani haqida yozgan edi.
