«Yoshlar daftari» orqali ijtimoiy yordam tizimi yangilanadi. Bu haqda prezidentning tegishli farmoni qabul qilindi.
Unda “Yoshlar daftari”ga kiritilgan 16 ming nafar yoshning doimiy daromad manbaiga ega bo‘lishiga ko‘maklashish belgilangan. Shuningdek, “Mutolaa” loyihasi doirasida muntazam kitob o‘quvchi yoshlar ulushi 10 foizga oshiriladi. “Ibrat farzandlari” loyihasida chet tillarini o‘zlashtirgan yoshlar ulushi esa 30 foizga yetkaziladi.
Farmonga ko‘ra, 2026-yil 1-fevraldan boshlab kambag‘al oilalar reyestriga kiritilgan oilalardagi yoshlar uchun ijtimoiy shartnoma asosida yordam taqdim etiladi.
Yordamni olish uchun yoshlar quyidagi majburiyatlarni bajarishi lozim bo‘ladi:
- ta’limni uzluksiz davom ettirish,
- o‘qish jarayonida ijobiy baholarga erishish,
- volontyorlik faoliyatida qatnashish,
- “Besh tashabbus olimpiadasi” loyihalarida faol ishtirok etish.
Yangi tartib yoshlarning bilim olishiga, ko‘nikma orttirishiga va jamiyatdagi faolligini oshirishga xizmat qiladi.
Avvalroq Qaynoq24.uz nashri Davlat korxonalarida mahsulot tannarxi kamaytirilishi haqida yozgan edi.
