2026-yilgi Bryussel avtosalonida Zeekr brendining Yevropa bozori uchun mo‘ljallangan yangi universal modeli — Zeekr 7GT taqdim etildi. Bu model Yevropada brendning to‘rtinchi avtomobili bo‘lib, undan avval 001, X va 7X sotuvga chiqarilgan.
Dizayn va platforma
Yevropa versiyasi deyarli to‘liq Xitoydagi Zeekr 007 GT modelini takrorlaydi. Biroq old qismda interaktiv LED yorug‘lik paneli o‘rniga qoraytirilgan dekorativ element qo‘llangan. Avtomobil PMA2+ platformasida yaratilgan bo‘lib, 800 voltli elektr arxitekturasiga ega.
O‘lchamlar va yurish zaxirasi
Zeekr 7GT o‘lchamlari 4 817 x 1 910 x 1 456 mmni, g‘ildirak bazasi esa 2 900 mmni tashkil etadi. Model 75 va 100 kVt·soatli batareyalar bilan taklif etiladi. WLTP sikliga ko‘ra, yurish zaxirasi 519 km dan 655 km gacha yetadi.
Tezkor zaryad va quvvat
450 kVt quvvatli tezkor zaryad yordamida batareyani 10 foizdan 80 foizgacha atigi 13 daqiqada to‘ldirish mumkin. Orqa yuritmali versiya 416 ot kuchiga ega bo‘lib, 0–100 km/soatgacha 5,3 soniyada tezlanadi. To‘liq yuritmali variant esa 637 ot kuchini taklif etadi. Bu talqinda kuchaytirilgan osma, sport tormozlari va eshiklar uchun elektr yuritma mavjud.
Sotuvlar va narxlar
Yevropada Zeekr 7GT sotuvi 2026-yil 1-iyuldan boshlanadi. Narxlar mamlakatga qarab keskin farq qiladi. Masalan, Norvegiyada model $39,57 mingdan boshlansa, Daniyada ayrim komplektatsiyalar $93,57 minggacha yetadi.
Qaynoq24.uz Chevrolet Cobalt avtomobilining siz bilmagan kamchiliklari haqida yozgan edi.
